DASALAN AT TOCSOHAN NI MH DEL PILAR

Dasalan at Tocsohan

Miss Samson says: This written piece serves as a mockery of the Friar's way of spreading Christianity to the Indios in the Colonial era. This is not an attack to the Catholic Church, but to those people who should have been the role model/tagapagpalaganap of the religious faith. The Dasalan at Tocsohan is not published in The Sol nor The Diyaryong Tagalog, it is spread among the Indios like how a booklet or a brochure is given to the people back then.

Ang Tanda

Ang tanda nang cara- i- cruz ang ipangadya mo sa amin, Panginoon naming Fraile, sa manga bangkay namin, sa ngalan nang Salapi at nang Maputing binte, at nang Espiritung Bugaw. Siya naua.

Pagsisisi

Panginoon kong Fraile, Dios na hindi totoo at labis nang pagkatuo gumaga at sumalacay sa akin: pinagsisihan kong masakit sa tanang loobang dilang pag-asa lo sa iyo, ikaw nga ang berdugo ko. Panginoon ko at kaauay ko na inihihibic kong lalo sa lahat, nagtitica akong matibay na matibay na dina muli-muling mabubuyo sa iyo: at lalayuan ko na at pangingilagan ang balanang makababacla nang loob ko sa pag-asa sa iyo, macalilibat nang dating sakit nang manga bulsa ko, at nagtitica naman acong maglalathala nang dilang pagcadaya ko umaasa akong babambuhin ka rin, alang-alang sa mahal na pasyion at pangangalakal mo nang Cruz, sa pagulol sa akin. Siya naua.

Ang Amain Namin

Amain naming sumasaconvento ka, sumpain ang ngalan mo, malayo sa amin ang kasakiman mo, quitlin ang liig mo ditto sa lupa para nang sa langit. Saulan mo cami ngayon nang aming kaning iyonh inaraoarao at patauanin mo kami sa iyong pagungal para nang pag papataua mo kung kami nacucualtahan; at huag mo kaming ipahintulot sa iyong manunukso at iadya mo kami sa masama mong dila. Amen.

Ang Aba Guinoong Baria

Aba guinoong Baria nakapupuno ka nang alcancia ang Fraile'I sumasainyo bukod ka niyang pinagpala't pina higuit sa lahat, pinagpala naman ang kaban mong mapasok. Santa Baria Ina nang Deretsos, ipanalangin mo kaming huag anitan ngayon at cami ipapatay. Siya naua.

Ang Aba Po Santa Baria

Aba po Santa Bariang Hari, inagao nang Fraile, ikao ang kabuhayan at katamisan. Aba bunga nang aming pauis, ikaw ang pinagpaguran naming pinapanaw na tauong Anac ni Eva, ikaw nga ang ipinagbubuntonh hininga naming sa aming pagtangis dito sa bayang pinakahapishapis. Ay aba pinakahanaphanap naming para sa aming manga anak, ilingon mo sa aming ang cara- i cruz mo man lamang at saka bago matapos ang pagpanaw mo sa amin ay iparinig mo sa amin ang iyong kalasing Santa Baria ina nang deretsos, malakas at maalam, matunog na guinto kami ipanalangin mong huag magpatuloy sa aming ang manga banta nang Fraile. Amen.

Ang Manga Utos Nang Fraile (Ang Sampung Utos ng Prayle)

Sa makabagong pagbabaybay

Ang mga utos nang Prayle ay sampu:

Ang nauna: Sambahin mo ang Prayle na lalo sa lahat.

Ang ikalaua: Huwag kang magpapahamak o manumba ng ngalang deretsos.

Ang ikatlo: Manalangin ka sa Prayle Linggo man at piyesta.

Ang ikapat: Isanla mo ang katauhan mo sa pagpapalibing sa ama't ina,

Ang ikalima: Huwag kang mamamatay kung wala pang salaping panlibing.

Ang ikanim: Huwag kang makiapid sa kanyang asawa.

Ang ikapito: Huwag kang makinakaw.

Anh ikaualo: Huwag mo silang pagbibintangan, kahit ka masinungalingan.

Ang ikasiyam: Huwag mong ipagkait ang iyong asawa.

Ang ikapulo: Huwag mong itangi ang iyong ari.

Itong sampong utos ng Prayle'y dalawa ang kinauuwian.

Ang isa: Sambahin mo ang Prayle lalo sa lahat.

Ang ikalawa: Ihain mo naman sa kaniya ang puri mo't kayamanan. Siya nawa.

Ang mga kabuhungang asal, ang pangala'y tontogales ay tatlo.

Igalang mo ……………

Katakutan mo………… Ang Prayle

At pagmanuhan mo …..

references: Agoncillo (The History of the Filipino people) and wikipedia. Other references are actually vague now because I have studied this in my first year in my Undergrad (one is PH lit by rex bookstore). I hope I did not commit any errors in typing and copying some parts LOL. :)